एजेन्सी। पूर्व विश्व विजेता इटालीले गएराती अन्तर्राष्ट्रिय मैत्रीपूर्ण खेलमा चेक गणतन्त्रलाई ४–० ले हराउँदै युरो–२०२० को उपाधिमा बलियो दाबेदारी प्रस्तुत गरेको छ। इटालीको जितमा सिरो इमोबाइल, निकोला बरेला, लोरेन्जो इनसाइन र डोमेनिको बोरादीले गोल गरे। इटालीको यो लगातार आठौं जित हो। इटालीले ११ जुनमा टर्कीविरुद्धको खेलबाट युरो–२०२० को सुरुआत गर्नेछ। चेक गणतन्त्रले मंगलबार अल्बानियाविरुद्धको मैत्रीपूर्ण खेल खेल्नेछ।
