काठमाडौं। ट्वान्टी-२० अन्तर्राष्ट्रिय क्रिकेटमा डेब्यू गरेका कुशल भुर्तेलले अर्धशतक बनाएका छन्। कुशलले त्रिदेशीय ट्वान्टी-२० अन्तर्राष्ट्रिय शृंखलामा नेदरल्यान्ड्सविरुद्ध अर्धशतक बनाएका हुन्। उनले ३० बलमा पाँच चौका र चार छक्का हान्दै अर्धशतक बनाएका हुन्। १३७ रनको लक्ष्य पछ्याएको नेपालले आठ ओभर सकिँदा बिना विकेट क्षति ८२ रन बनाएको छ। नेपालका कुशल ५० र आसिफ शेख २४ रन बनाएर क्रिजमा छन्।