काठमाडौं। सञ्चार तथा सूचना प्रविधिमन्त्री नैनकला थापाले मन्त्रालयको लक्ष्य तथा योजना सफल पार्नेगरी आफ्नो ध्यान केन्द्रीत गर्न मन्त्रालयका कर्मचारीलाई निर्देशन दिएकी छन्। मन्त्रालयका महाशाखा तथा शाखा प्रमुखसँग आज सम्पन्न छलफलमा उनले नयाँ बजेटमा घोषणा भएअनुरुप मन्त्रालयका कार्यक्रमलाई प्रभावकारी ढङ्गले सम्पादन हुनेगरी कार्ययोजना बनाउनुपर्ने बताइन्। उनले कर्मचारीलाई परिणाम आउने गरी कार्यसम्पादन गर्न निर्देशनसमेत दिइन्।
