सातै प्रदेश सरकारको बजेट सार्वजनिक हुँदै

प्राथमिकतामा कृषि र पूर्वाधार विकास

प्रदेश सरकार बजेट ल्याउने अन्तिम तयारीमा छन् । सातै प्रदेश सरकारले असार १ गते बुधबार आगामी आर्थिक वर्षका लागि बजेट सार्वजनिक गर्ने तयारी रहेको छ । अन्तर सरकारी वित्त व्यवस्थापन ऐन २०७४ को दफा २१ (२) मा प्रदेशको अर्थमन्त्रीले प्रत्येक वर्षको असार १ गतेभित्र आगामी आर्थिक वर्षको राजस्व र व्ययको अनुमान प्रदेश सभामा पेस गर्नुपर्ने व्यवस्था गरेको छ । २०७४ सालमा निर्वाचित प्रदेश सभाका सदस्यको कार्यकालको यो अन्तिम वर्ष हो र ती जनप्रतिनिधिबाट बनेको प्रदेश सरकारको अन्तिम बजेट हो ।