प्रहरीले गैँडा मारेर खाग चोरी गरेको मुद्दाका फरार दुई जनालाई पक्राउ गरेको छ। हेटौँडा उपमहानगरपालिका १६ स्थित हटियाबाट हाल सोही वडामा बस्दै आएका चितवन जिल्ला पदमपुर घर भएका विष्णु कार्की र काले बानियाँलाई प्रहरीले पक्राउ गरेको हो।
जनकपुरधाम – धनुषामा ३८ लाख रुपैयाँसहित एक जना पक्राउ परेका छन्। नगराइन नगरपालिका– २ बाट स्रोत नखुलेको ३८ लाख ३५ हजार रुपैयाँसहित बिहीबार एक जना पक्राउ परेका हुन्। भारतबाट नेपालतर्फ लुकाई छिपाई ल्याउँदै गर्दा लक्ष्मीनिया गाउँपालिका–१ सिनुरजोडका २३ वर्षीय अमितकुमार यादव पक्राउ परेको सशस्त्र प्रहरीका प्रहरी उपरीक्षक नरेन्द्र सेनले बताए।
