'बिरालो छोपेर श्राद्ध' जस्तै भयो विपद पछिको पोष्टमार्टम

मंगलबार राति रोल्पा नगरपालिका ९ होमाको गर्पा गाउँमा घरमाथि पहिरो जाँदा एकै घरका तीन महिलाको मृत्यु भयो भने तीन जना घाइते भए । सदरमुकामबाट करिब ४ घण्टाको पैदल दूरी तय गर्दै रोल्पा प्रहरी प्रमुख नरेशराज सुवेदी लगायतको टोलि त्यहाँ पुगेर उद्धार गर्यो । बर्षातको मौषम, अस्तब्यस्त सडकका कारण घटनामा घाइते ३ जनामध्ये दुई जनालाई थप उपचारमा समस्या भएपछि प्रमुख जिल्ला अधिकारी नबराज सापकोटा लगायतको पहलमा नेपाली सेनाको हेलिकप्टरले उद्धार गर्नु पर्यो ।