राष्ट्रिय प्रजातन्त्र पार्टी महिला संगठनले गृहमन्त्री बालकृष्ण खाँणलाई ज्ञापनपत्र बुझाएको छ । शुक्रबार बुझाइएको ज्ञापनपत्रमा सबै किसिमका महिला विरुद्ध हुने हिंसा, बलात्कार र हत्याका दोषीलाई कडा भन्दा कडा सजायसहित विभिन्न १३ बुँदे माग पेश गरिएको छ । संघकी अध्यक्ष अञ्जना शाह रावल नेतृत्वको टोलीले गृहमन्त्री खाँणलाई भेटेर ज्ञापनपत्र पेश गरेको हो । संघले आफूहरुको मागलाई बेवास्ता गरिएमा कडा कदम चाल्न बाध्य हुने पनि चेतावनी दिएको छ ।
