काठमाडौं : गोकर्णेश्वर नगरपालिकाले स्थानीय पाठ्यक्रम परिमार्जन गर्ने भएको छ। नगरपालिकाले २०७६ सालबाट अध्यापन गराउँदै आएको पाठ्यक्रम (मेरो गोकर्णेश्वर/हाम्रो गाेकर्णेश्वर) परिमार्जन गर्न लागेको जनाएको हो।नगरपालिकाकाे शिक्षा,युवा तथा खेलकुद शाखाले साेमबार एक सूचना जारी गरी यसका लागि आगामी मंसिर १० गतेभित्र शाखामा रायसुझाव पठाउन शिक्षाविद्,जनप्रतिनिधिलगायत सरोकारवाला निकायलाई माग गरेको छ।नगरपालिकाका अनुसार ०८० को नयाँ शैक्षिक सत्रबाट परिमार्जित स्थानीय पाठ्यक्रम लागू गरिनेछ।
