चीन तथा अमेरिकाबीच जारी व्यापारयुद्धका बीच अचम्म लाग्ने खबर आएको छ । अमेरिकाले भारी मात्रामा भन्सार शुल्क थोपारे बाबजुद चीनको निर्यातमा वृद्धि भएको छ । मे महिनामा चीनको निर्यातमा १.१ प्रतिशतको वृद्धि भएको छ, तर अमेरिका–चीन व्यापारयुद्धका कारण चिनियाँ निर्यात ओरालो लाग्ने अपेक्षा सर्वत्र गरिदै आएको थियो । अमेरिका नै चीनको सर्वाधिक ठूलो व्यापार साझेदार मुलुक भएकाले यस्तो अनुमान लगाइदै आएको हो । तर, टीठलाग्दो कुरा के छ भने चीनले गरेको आयातमा भने गिरावट आएको छ । यसले अर्को पक्षतर्फ पनि संकेत गरेको छ ।
