कात्तिक २९, दाङ । दाङको सिसहनिया उद्योग वाणिज्य संघको अध्यक्षमा पुर्णबहादुर बुढाथोकी चयन भएका छन् ।
आइतवार सम्पन्न सातौं साधारण सभा एवं तेस्रो अधिवेशनले अध्यक्षमा बुढाथोकीलाई सर्वसम्मत चयन गरेको हो । उनले यसअघि पनि संघको एक कार्यकाल नेतृत्व समालिसकेका छन् ।त्यसैगरी अधिवेशनले वाणिज्य उपाध्यक्षमा भागवत ज्ञवाली (भानु) र उद्योग उपाध्यक्षमा युवराज सेनलाई चयन गरेको छ ।
यसैगरी अधिवेशनले महासचिवमा प्रकाश आचार्य, सचिवमा मदन पोख्रेल, कोषाध्यक्षमा भिमबहादुर चौधरी र सदस्यहरुमा गिरबहादुर ज्ञवाली, निमराज चौधरी, जीवन अधिकारी, बसन्ता डिसी, रामबहादुर चौधरी र प्रसान्त बसेललाई सर्वसम्मत चयन गरेको छ । कार्यसमितिको कार्यअवधि तीन वर्षको हुने छ ।
