दराजकाे अनलाइन सेल कात्तिक २६ गते, यी हुन् अफर

आकर्षक छुट सहित ग्यापुको बृहत अनलाइन सेल ११.११ घोषणा, निशुल्क डेलिभरी

गत वर्ष झै यो वर्ष पनि नेपाली अनलाइन स्टोर ग्यापुले ११.११ को घोषणा गरेको छ । थुप्रै आकर्षक छुट र अफरका साथ ग्यापुले नोबेम्बर ११ मा हुने यो बृहत सेलको घोषणा गरेको छ । गत वर्ष ग्यापुका संस्थापक ज्ञानेन्द्र खड्काको जन्मदिनकै अवसरमा परेको यो ११.११ एकदिने सेल भव्य रुपमा सम्पन्न भएको थियो । सो बेला २४ घण्टा सम्म सम्पन्न भएको सेल धेरै बिक्री भएको कम्पनीले जनाएको थियो । जाडोको कपडा, स्मार्टफोन, भान्छाको सामान वा अन्य घरायसी सामान लिने सोचमा भएकाहरुलाई  ग्यापुको ११.११ सेल सुनौलो अवसर हुने बताइएको छ । कम्पनीका अनुसार ग्यापुमा उपलब्ध हरेक सामग्रीहरूमा आकर्षक छुट र क्यासब्याक अफर प्रदना गरिने छ । यो बृहत सेल नोबेम्बर ११ को मध्यरात देखि सुरु भएर २४ घण्टा सम्म उपलब्ध हुने कम्पनीले जनाएको छ । यस अवसरमा खरिद गरिएका सामग्रीको निशुल्क डेलिभरी पनि गरिने कम्पनीले उल्लेख गरेको  छ  ।