चैत २६ , काठमाडौं । बाग्मती प्रदेश अन्तर्गत काठमाडौं उपत्यकामा सार्वजनिक सवारी साधन र ट्याक्सीको भाडा बढेको छ । बाग्मती प्रदेश सरकारले नयाँवर्ष २०७९ वैशाख १ गतेदेखि लागू हुने गरी भाडादर समायोजन गरेको हो ।
श्रम, रोजगार तथा यातायात व्यवस्था मन्त्रालयले गत शुक्रवार गरेको निर्णय अनुसार सार्वजकि यातायाताको भाडा वृद्धि गरिएको हो । भाडादर समायोजनपछि सार्वजनिक सवारी साधनको पाँचदेखि २० किलोमिटरसम्मको भाडादर २ देखि ३ रुपैयाँसम्म बढ्ने छ ।
नयाँ भाडादर अनुसार अव यात्रुले पाँच किलोमिटरसम्म २० रुपैयाँ, १० किलोमिटरको २५ रुपैयाँ, १५ किलोमिटरको ३० रुपैयाँ, २० किलोमिटरसम्मको ३३ र २० भन्दा माथि ३८ रुपैयाँ तिर्नुपर्ने छ ।
मन्त्रालयले पछिल्लो पटक भाडा समायोजन गर्दा आधार मानिएको मूल्यको तुलनामा पेट्रोलियम पदार्थको बजार मूल्य ५ प्रतिशत वा सोभन्दा बढी वा घटी भएमा सोही बमोजिम प्रदेश भित्र सञ्चालन हुने सवारी साधानको भाडा समायोजन हुने बताएको छ।
हेर्नुहोस् सूची :
