सरकारले अध्यादेशमार्फत ल्याएको १६ खर्ब ४७ अर्ब ५७ करोडको बजेटमा साढे ५ खर्बभन्दा रकम कहाँबाट जुटाउने भन्ने स्पष्ट छैन । अर्थमन्त्री विष्णु पौडेलले शनिबार प्रस्तुत गरेको बजेटको स्रोत ५ खर्ब ५९ अर्ब ३० करोड न्यून देखाइएको छ । सरकारले साढे १६ खर्बको बजेट ल्याए पनि राजस्व र वैदेशिक अनुदानबाट जुट्ने रकम १० खर्ब ८८ अर्ब २७ करोड मात्र अनुमान गरिएको छ । यो रकम कुल बजेटभन्दा ५ खर्ब ५९ अर्ब ३० करोड कम हो ।सरकारले आगामी आर्थिक वर्षमा राजस्वबाट १० खर्ब २४ अर्ब ९० करोड स्रोत जम्मा हुने अनुमान गरेको छ ।
