पश्चिम नेपालका प्रमुख पर्यटकीय क्षेत्रको प्रचार प्रसारसँगै भारतीय पर्यटकलाई बढीभन्दा बढी आकर्षित गर्ने उद्देश्यकासाथ नेपालगञ्जमा पहिलो पटक ‘वेष्टर्न ट्राभल मार्ट’ आयोजना गरिंने भएको छ । सो मार्टमा भारतका विभिन्न ठूला शहरबाट ५० भन्दा बढी पर्यटक व्यवसायी र नेपालका सातवटै प्रदेशबाट सोही संख्याका व्यवसायीको सहभागीता रहने नेपाल एशोसिएसन अफ टुर्स एण्ड ट्राभल्स एजेन्टस (नाट्टा) बाँकेका अध्यक्ष श्रीराम सिग्देलले बताउनुभयो । फागुन २६ देखि २८ गतेसम्म नेपालगञ्जमा आयोजना गरिने सो ट्राभल मार्टको तयारी पुरा भएको र भारतीय पर्यटन व्यवसायीहरु पुगिसकेको अध्यक्ष सिग्देलले बताउनुभयो ।