निषेधाज्ञाको पहिलो दिन पोखरा क्षेत्र सुनसान

पोखरा महानगरसहित कास्कीमा मंगलबार मध्य रातदेखि लागू हुने भएको निषेधाज्ञाको पहिलो दिनमा पोखरा क्षेत्र सुनसान भएको छ । कोरोना संक्रमण नियन्त्रण गर्न कास्की प्रशासनले गरेको निषेधाज्ञाको पहिलो दिन पोखरा क्षेत्रमा प्रायः सुनसान जस्तै भएको हो । जनता आफैं बढी सचेत भएको र ठाउँठाउँमा प्रहरी परिचालन गरिएकोले निषेधाज्ञाको पहिलो दिन धेरैले पालना गरेको हुँदा गण्डकी प्रदेशको राजधानी पोखरासहितको क्षेत्र सुनसान भएको कास्कीका प्रहरी प्रवक्ता डिएसपी सुवास हमालले बताए । उनका अनुसार निषेधाज्ञाको पहिलो दिन पोखराका मुख्यमुख्य चोक सहित कास्कीका गाउँगाउँमा करिब ५ सय ५० जना भन्दा बढी प्रहरी परिचालन गरिएको छ ।