जेठ १२, काठमाडौं । लुम्बिनी जनरल इन्स्योरेन्स कम्पनी र सिद्धार्थ इन्स्योरेन्स कम्पनीको लाभांश सुरक्षित गर्ने अन्तिम दिन बिहीवार रहेको छ ।
लुम्बिनी जनरल इन्स्योरेन्सले साधारण सभा र लाभांश वितरण प्रयोजनको लागि जेठ १४ र सिद्धार्थ इन्स्योरेन्सले जेठ १४ गतेदेखि २८ गतेसम्म बुक क्लोज गर्ने भएसँगै बिहीवारसम्म लाभांश सुरक्षित गनुपर्ने भएको हो ।
लुम्बिनी जनरल इन्स्योरेन्स कम्पनीले गत आवको मुनाफाबाट यस वर्ष शेयरधनीलाई ५ प्रतिशत बोनस शेयर र ५ प्रतिशत नगद लाभांश कर प्रयोजनको लागि वितरण गर्न लागेको हो । उक्त प्रस्ताव पारितका लागि कम्पनीले जेठ २८ गते साधारण सभा बोलाएको छ । सभा अपरान्ह ४ बजे कम्पनीको केन्द्रिय कार्यालय ज्ञानेश्वरबाट भर्चुअल माध्यमबाट गर्ने जानकारी गराएको छ ।
त्यसैगरी, सिद्धार्थ इन्स्योरेन्सले शेयरधनीलाई १२ प्रतिशत बोनस शेयर र कर प्रयोजनको लागि ३ दशमलव ७८९४ प्रतिशत नगद लाभांश वितरण गर्ने प्रस्ताव गरेको छ । उक्त प्रस्ताव पारितका लागि कम्पनीले आगामी जेठ २८ गते साधारण सभा बोलाएको हो । सभा सिद्धार्थ इन्स्योरेन्स भवन बबरमहलमा भर्चुअल माध्यमबाट गर्ने जानकारी गराएको हो ।