काठमाडौं । डिप्रोक्स लघुवित्त वित्तीय संस्था र सपोर्ट लघुवित्त वित्तीय संस्ताको लाभांश सुरक्षित गर्ने अन्तिम दिन आज रहेको छ । डिप्रोक्स लघुवित्तले फागुन १९ गते र सपोर्ट लघुवित्तले फागुन २१ गते बुक क्लोज गर्दै छन् । सोही कारण यी दुई कम्पनीका आजसम्म कायम शेयरधनीमात्र लाभांश पाउन र साधारण सभामा भाग लिन योग्य हुनेछन् ।
डिप्रोक्स लघुवित्तले गत आर्थिक वर्षको मुनाफाबाट शेयरधनीलाई १० प्रतिशत बोनस शेयर र ११ दशमलव शून्य ५ प्रतिशत नगद लाभांश वितरण गर्ने प्रस्ताव गरेको हो । कम्पनीले फागुन ३० गते बोलाएको साधारण सभाले यो प्रस्ताव अनुमोदन गर्नेछ । सभा होटल सेभेन स्टार प्रालि, चितवनमा बिहान ११ बजे शुरू हुने कम्पनीले जानकारी दिएको छ ।
त्यस्तै सपोर्ट लघुवित्त वित्तीय संस्थाले गत आवको मुनाफाबाट शेयरधनीलाई ११ प्रतिशत बोनस शेयर र कर प्रयोजनको लागि शून्य दशमलव ५८ नगद लाभांश वितरण गर्ने प्रस्ताव गरेको छ । यो प्रस्ताव पारितका लागि कम्पनीले चैत ४ गते साधारण सभा बोलाएको छ । सभा दुर्गा पार्टी प्यालेस इटहरी सुनसरीमा बिहान ९ः३० बजे शुरू हुने कम्पनीले जानकारी दिएको हो ।
