खरिद र अनुदानसहित ८० लाख खोप सुनिश्चित

खोप सुनिश्चित (सम्पादकीय)

सबै नागरिकलाई कोरोनाविरुद्धको खोप उपलब्ध गराउने नीति र प्राथमिकताअनुसार सरकारले खोप सुनिश्चित गरेको छ । तीन महिनाअघि वर्तमान सरकार गठन हुँदा असोज मसान्तसम्ममा एकतिहाइ र चैतभित्रमा पूर्ण खोप लगाउने लक्ष्य राखेको थियो । अहिले खोप लगाउन योग्य बालबालिकादेखि ज्येष्ठ नागरिकसम्मलाई कोरोनाविरुद्धको खोप सुनिश्चित गरिएको सरकारले जनाएको छ । अहिलेसम्म खरिद र अनुदानबाट दुई करोड ८० लाख मात्रा खोप प्राप्त गरिसकेको छ । त्यसक्रममा पाँच करोड मात्रा सुनिश्चित भएको जनाइएको छ ।