शिक्षा मन्त्रालयले कोरोनाको जोखिम रहेका १४ जिल्ला तथा शहरमा विद्यालय बन्द वा खोल्ने निर्णय लिने जिम्मा स्थानीय तहलाई दिएको छ ।
मन्त्रालयका प्रवक्ता एवं सहसचिव दीपक शर्माले शुक्रवार विज्ञप्ति जारी गरी विद्यालय बन्द गर्ने कि खोल्ने भन्ने निर्णय जिल्ला कोभिड- १९ संकट व्यवस्थापन केन्द्र (डीसीसीएमसी)सँगको समन्वयमा स्थानीय तहले गर्न सक्ने उल्लेख गरेका हुन् ।
शिक्षामन्त्री कृष्णगोपाल श्रेष्ठको उपस्थितिमा बसेको बैठकले खुलेका विद्यालयमा पनि जनस्वास्थ्यका मापदण्ड पूरा गर्न, भीडभाड हुने कुनै कार्यक्रम नगर्न, सिफ्ट प्रणाली अपनाउन पनि आग्रह गरेको छ ।
...