आसन्न निर्वाचनलाई निष्पक्ष, भयरहित र विश्वासिलो बनाउन गृह मन्त्रालयले सातै प्रदेशमा निर्वाचन सुरक्षा गोष्ठी सञ्चालन गरिरहेको छ । प्रदेश–१, मधेस, वाग्मती र लुम्बिनीमा गोष्ठी भइसकेको छ भने अन्य प्रदेशमा केही दिनमै गोष्ठी गरिसक्ने गृहको तयारी छ । जनमत तान्न शीर्ष नेताका उत्तेजक अभिव्यक्ति र निर्वाचनविरोधी समूहका सम्भावित गतिविधिलाई मध्यनजर गरी गृहले सुरक्षा रणनीति परिमार्जन गरिरहेको छ ।
