काठमाडौं। मेटलाइफ नेपालले आफ्ना एजेन्टका लागि ‘वन बाई मेटलाइफ मेला’ सम्पन्न गरेको छ । मेलाले ग्राहकलाई सेवा दिने र उनीहरूलाई स्वस्थ, लामो जीवन जिउन मद्दत गर्ने साझा प्रतिबद्धतालाई सुदृढ गरेको कम्पनीको भनाइ छ । मेलामार्फत कम्पनीले पहिलोपटक नेपालीका लागि डिजिटल बीमा र स्वास्थ्य सेवा ल्याएको दाबी गरेको छ । एजेन्टका लागि मेटलाइफले मेलामा एपका बारेमा जानकारी दिएको बताइएको छ । मेलाले एजेन्टको व्यावसायिक विकास र ग्राहकलाई उत्कृष्ट सेवा प्रदान गर्ने क्षमतामा जोड दिएको कम्पनीको भनाइ छ । मेटलाइफ नेपालका उपाध्यक्ष तथा महाप्रबन्धक निर्मलकाजी श्रेष्ठले कम्पनीले रमाइलो सिकाइ अनुभवको शक्तिमा विश्वास गर्ने बताए । उनले भने, ‘त्यसैले हामीले यस मेलामा आवश्यक ज्ञानसहितका गतिविधि समेटेका थियौं ।’
