चितवन : नेकपा (एमाले) को १० औं महाधिवेशनअन्तर्गत बन्दसत्र सुरु भएको छ। महासचिव ईश्वर पोखरेलले कार्यक्रम संचालन गरेका छन्। अध्यक्ष केपी ओलीसहितका सबै शीर्ष नेता पनि बन्दसत्र हलमै छन्। चितवनको सौराहस्थित सेभेन स्टार होटल परिसरमा सुरु भएको बन्दसत्रको सुरुमा विदेशी पाहुनालाई बोल्न दिने कार्यक्रम छ।महाधिवेशनमा शुभकामना दिन विभिन्न देशबाट आएका विदेशी पाहुनालाई शुक्रबार उद्घाटन समारोहमा समय अभाव हुने भएपछि बोल्न दिइएको थिएन। उनीहरुलाई बन्दसत्रको सुरुमै शुभकामना मन्तब्यका लागि समय दिइनेछ।