काठमाडौं (अस) । गुराँस लाइफ इन्स्योरेन्स कम्पनीले दाङमा मृत्यु दाबी भुक्तानी गरेको छ । दाङको तुलसीपुरमा बसोवास गर्ने बीमित केशव वलीको मृत्युपछि बीमितले इच्छाएको व्यक्ति उनकी श्रीमती रूपा केसीलाई दाबी भुक्तानी दिइएको कम्पनीले बताएको छ । कम्पनीको तुलसीपुर शाखा प्रमुख सतीशकुमार धितालले मृत्यु दाबीको भुक्तानीबापत ४ लाख ८५ हजार ६०० रुपैयाँ बराबरको चेक हस्तान्तरण गरेका हुन् । स्व. वलीले ४ लाख रुपैयाँ बराबरको ‘गुराँस सावधिक जीवन बीमा’ गरेका थिए । शाखा प्रमुख धितालले जीवन बीमा बचत मात्र नभई आर्थिक क्षतिविरुद्धको सुरक्षा पनि भएकाले जीवन बीमा सबैका लागि आवश्यक रहेको बताए ।
