सरकारले अनुचित ढंगले आगामी आर्थिक वर्षको बजेट ल्यायोः अध्यक्ष ओली

बजेट अनुचित ढंग र सिद्धान्तहीन तरिकाले ल्याइयो : अध्यक्ष ओली

जेठ १६, काठमाडौं । प्रमुख प्रतिपक्ष दल नेकपा (एमाले) का अध्यक्ष एवम् पार्टी संसदीय दलका नेता केपी शर्मा ओलीले सरकारले अनुचित ढंगले आगामी आर्थिक वर्षको बजेट ल्याएको बताएका छन् ।   पूर्वप्रधानमन्त्री समेत रहेका अध्यक्ष ओलीले बजेट अनुचित, विना सिद्धान्तहिन र प्राथमिकताको आधारमा आएको समेत दावी गरेका छन् । उनले त्यसप्रकारको झण्डाफोर हुने गरी जनताको बीचमा लैजान आफ्ना सांसदहरुलाई निर्देशन दिए ।  उनले सरकारले ल्याएको बजेट विशुद्ध चुनावमा भोट माग्ने किसिमले आएको, मुलुकको अर्थतन्त्रको यथार्थलाई सम्बोधन गर्न नचाहेको पनि बताए ।