उद्घाटन समारोहमा वक्ता तथा अतिथिहरूले मानसिक स्वास्थ्य र समग्र सुस्वस्थताको महत्वबारे आफ्ना धारणा राखेका थिए। आम्सा नेपालकी अध्यक्ष सुस्मिता खतिवडाका अनुसार सम्मेलनको दोस्रो दिन (जनवरी १६) शैक्षिक गतिविधिहरू सञ्चालन गरिनेछन्। यसअन्तर्गत रिसर्च प्रतिस्पर्धा, पोस्टर प्रस्तुतीकरण प्रतियोगिता तथा चित्रकला प्रतियोगिता आयोजना गरिनेछ। विश्व स्वास्थ्य संगठनका प्रतिनिधि डा. केदारले मानसिक स्वास्थ्यसम्बन्धी विषयमा विशेष प्रस्तुतीकरण गर्ने कार्यक्रम रहेको छ। साथै मानसिक स्वास्थ्य प्राथमिक उपचार, नृत्य–आधारित थेरापी तथा मनोवैज्ञानिक प्राथमिक उपचारसम्बन्धी कार्यशालाहरू क्रमशः गणेश अमगाइँ, डा. अञ्जला रेग्मी र डा. प्रकृति प्रधानले सञ्चालन गर्नेछन्।