भदौ २२, काठमाडौं । सरकारले कर्मचारी सञ्चय कोष सञ्चालक समितिको अध्यक्षमा अर्थ मन्त्रालयका राजस्व सचिव कृष्णहरि पुष्करलाई नियुक्त गरेको छ ।
गत शनिवारको मन्त्रिपरिषद् बैठकले राजस्व सचिव पुष्करलाई समितिको अध्यक्षमा नियुक्त गर्ने निर्णय गरेको थियो । सोही अनुसार अर्थमन्त्री जनार्दन शर्माले उनलाई पद तथा गोपनियताको सपथ दिलाएका हुन् ।
कर्मचारी सञ्चय कोष ऐन २०१९ को दफा ४ को उपदफा १ ‘क’ मा सञ्चालक समितिको अध्यक्ष नेपाल सरकारले नियुक्त गर्ने व्यवस्था छ। यसअघि राजस्व सचिव रामशरण पुडासैनी कोषको अध्यक्ष थिए।