माघ १०, काठमाडौं । साताको दोस्रो कारोबार दिन सोमवार नेप्से परिसूचक अघिल्लो कारोबार दिनको तुलनामा ९९ दशलमव ८६ अंक अर्थात् ३ दशमलव ४२ प्रतिशतले घटेको छ ।
यो दिन नेप्से परिसूचक २ हजार ८२० दशमलव ६५ विन्दुमा झरेको हो । यो दिन कारोबारमा आएका २२८ ओटा धितोपत्रको १ करोड ७० लाख ६३ हजार ८३३ कित्ता शेयर १ लाख १३ हजार २०५ पटकमा रू. ८ अर्ब ८८ करोड ८५ लाख १३ हजार १७७ दशमलव ५७ मा खरीदविक्री भएको छ ।
कारोबारमा आएका ती धितोपत्रहरु मध्ये दुई ओटा धितोपत्रको मूल्यमा सकारात्मक सर्किट लागेको छ । यो दिन विन नेपाल लघुवित्त वित्तीय संस्था र बुद्धभुमि नेपाल हाइड्रोपावर कम्पनीको शेयरमूल्य अघिल्लो कारोबार दिनको तुलनामा १० प्रतिशतले वृद्धि भएसँगै सकारात्मक सर्किट लागेको हो । विन लघुवित्तको शेयरमूल्य प्रतिकित्ता रू.१ हजार ५ दशमलव ५० र बुद्धभुमि नेपाल हाइड्रोपावरको शेयरमूल्य रू. ३८२ दशमलव ३४ पुगेको छ ।
यो दिन सबैभन्दा बढी कर्णाली डेभलपमेन्ट बैंकको शेयरमूल्य ७ दशमलव ८२ प्रतिशतले घटेको छ । कम्पनीको शेयरमूल्य प्रतिकित्ता रू. ४४० दशमलव ६० मा झरेको हो । कम्पनीले चालू आवको दोस्रो त्रैमासमा नोक्सानीमा गएको वित्तीय विवरण सार्वजनिक गरेसँगै शेयरमा खरीदकर्ताभन्दा विक्रेता हावी हुँदा शेयरमूल्य घटेको हो ।
त्यसैगरी दोस्रोमा माउण्टेन हाइड्रो नेपाल लिमिटेडको शेयरमूल्य ७ दशमलव ७१ प्रतिशतले घटेर प्रतिकित्ता रू. ४८५ मा झरेको छ ।
त्यस्तै यो दिन सर्वाधिक शेयर खरीदविक्री अपि पावर कम्पनीको भएको छ । यो दिन उक्त कम्पनीको रू. ३८ करोड ३४ लाख २४ हजार बराबरको शेयर खरीदविक्री भएको छ ।
कम्पनीको शेयरमूल्य प्रतिकित्ता रू. ५२३ कायम भएको छ । त्यसैगरी दोस्रोमा एनआईसी एशिया बैंकको रू. ३६ करोड ७३ लाख ६४ हजार बराबरको शेयर खरीदविक्री भएको छ । सोमवार कारोबारमा आएका १३ ओटा समूहकै परिसूचक घटेसँगै समग्र नेप्से परिसूचक घटेको छ ।
सबैभन्दा बढी विकास बैंक समूहको परिसूचक ४ दशमलव ५ प्रतिशतले घटेको छ । त्यसैगरी बैंकिङ समूहको परिसूचक २ दशमलव ८८ प्रतिशत,व्यापार समूहको ३ दशमलव ६८ प्रतिशत,होटल एण्ड टुरिजम समूहको ३ दशमलव ३४ प्रतिशत,हाइड्रोपावर समूहको ४ दशमलव ४५ प्रतिशतले घटेको छ ।
यसैगरी यो दिन वित्त समूहको ४ दशमलव ३ प्रतिशत,निर्जीवन बीमा समुहको ३ दशमलव ७८ प्रतिशत,उत्पादन तथा प्रशोधन समूहको ३ दशमलव २३ प्रतिशत,अन्य समूहको ३ दशमलव ७६ प्रतिशत,लघुवित्त समूहको ३ दशमलव २८ प्रतिशत,जीवन बीमा समूहको ३ दशमलव ३७ प्रतिशत,म्युचुअल फण्ड समूहको २ दशमलव १९ प्रतिशत र लगानी समूहको परिसूचक ३ दशमलव ३७ प्रतिशत घटेको छ ।
यो दिन नेप्से परिसूचक घटे पनि कारोबार रकममा भने अघिल्लो दिनको तुलनामा बढेको पाइएको छ । यो दिनको कारोबारमा कारोबारीहरु हावी भएका छन् ।
