असोज १७, काठमाडौं । साताको पहिलो कारोबार दिन आइतवार नेप्से परिसूचक अघिल्लो कारोबार दिनको तुलनमा २ दशमलव १२ प्रतिशत अर्थात् ५५ दशमलव ९३ अंक घटेको छ ।
यो दिन नेप्से परिसूचक २ हजार ५७७ दशमलव ४९ विन्दुमा झरेको हो । यो दिन कारोबारमा आएका २३२ ओटा धितोपत्रको ८९ लाख ४८ हजार ९३७ कित्ता धितोपत्रको ५२ हजार ३९१ पटकमा रू. ४ अर्ब ११ करोड ३८ लाख १४ हजार २४६ बराबरको धितोपत्र खरीदविक्री भएको हो ।
कारोबारमा आएका २३२ ओटा धितोपत्रमध्ये मैलुङ खोला जलविद्युत् कम्पनीको शेयरमूल्य अघिल्लो काराबोर दिनको तुलनामा ९ दशमलव ९७ प्रतिशत र स्वाभिमान लघुवित्त वित्तीय संस्थाको शेयरमूल्य ६ दशमलव ०५ प्रतिशतले बढेको छ ।
त्यसैगरी यो दिन सबैभन्दा बढी गुहेश्वरी मर्चेण्ट बैंकिङको शेयरमूल्य अघिल्लो कारोबार दिनको तुलनामा ९ दशमलव १९ प्रतिशतले घटेको छ । कम्पनीको शेयरमूल्य प्रतिकित्ता रू.४५७ दशमलव ७० मा झरेको छ ।
त्यसैगरी रैराङ हाइड्रोपावरको शेयरमूल्य अघिल्ले कारोबार दिनको तुलनामा ९ दशमलव १३ प्रतिशतले घटेको छ । यस्तै यो दिन सर्वाधिक शेयर खरीदविक्री अपि कम्पनीको भएको छ । उक्त कम्पनीको रू. १५ करोड ६ लाख १६ हजार बराबरको शेयर खरीदविक्री भएको छ ।
त्यसैगरी दोस्रोमा नेशनल हाइड्रोपावर कम्पनीको रू.१४ करोड २४ लाख ३८ हजार बराबरको शेयर खरीदविक्री भएको छ । कारोबारमा आएका १३ ओटा समूहको परिसूचक घटेसँगै समग्र नेप्से घटेको हो । सबैभन्दा बढी वित्त समूहको परिसूचक ४ दशमलव ३३ प्रतिशतले घटेको छ ।
त्यसैगरी बैकिङ समूहको परिसूचक १ दशमलव ५७ प्रतिशत,ब्यापार समूहको १ दशमलव ८१ प्रतिशत,होटल एण्ड टुरिजमको ३ दशमलव ३३ प्रतिशत,विकास बैंक समूहको २ दशमलव ९२ प्रतिशत,हाइड्रोपावर समूहको ३ दशमलव ९६ प्रतिशत,निर्जीवन बीमा समुहको १ दशमलव ६३ प्रतिशत,उत्पादन तथा प्रशोधन समूहको १ दशमलव ७१ प्रतिशतले घटेको छ ।
यसैगरी अन्य समूहको १ दशमलव ९९ प्रतिशत,माइक्रोफाइनान्स समुहको १ दशमलव ४ प्रतिशत,जीबन बीमा समूहको १ दशमलव ८७ प्रतिशत,म्युचुअल फण्डको १ दशमलव १२ प्रतिशत र लगानी समूहको परिसुचक ३ दशमलव ८३ प्रतिशत घटेको छ ।
पछिल्लो समय बजार घट्नुमा शेयर धितो कर्जामा रू. १२ करोडको सीमा,तरलता अभाव अनि ब्याजदर जस्ता विषय प्रमुख कारण रहेको बजार विश्लेषकहरुले बताएका छन् ।
अझ यस बीचमा ३ हजार २०० मा नेप्से परिसूचक रहँदा बजार छिरेका नयाँ र साना लगानीकर्ताहरु घटेको बजारमा बढीमात्रामा पेनिक भएका छन् । यस कारणले गर्दा पनि बजार धेरै तल घटेको अनुमान लगाउन सकिन्छ । त्यसैगरी चाडपर्व नजिकिंदै गरेकाले शेयर बेचेर पैसाको जोहो गर्नुपर्ने भएकाले पनि त्यसको प्रभाव शेयर बजारमा परेको हुन सक्ने उनीहरुको भनाइ छ ।
बजार धेरै घटेकाले राम्रो लाभांश दिने कम्पनीहरुको शेयरमूल्य पनि धेरै तल आएको छ । यस्तो अवस्थामा शेयर खरीद गर्ने हो भने अल्पकालिनभन्दा पनि दिर्घकालमा राम्रो प्रतिफल प्राप्त हुने देखिन्छ ।
