०७४ मा प्रतिनिधिसभा निर्वाचनमा पराजित भएपछि राष्ट्रिय सभा सदस्य बनेका वामदेव गौतम र नारायणकाजी श्रेष्ठले आसन्न संघीय निर्वाचन लड्ने तयारी थालेका छन् । पाँचदलीय गठबन्धनभित्र समाहित भएर प्यूठानबाट निर्वाचन लड्ने गौतमको योजना छ भने श्रेष्ठले गृहजिल्ला गोरखाबाटै उम्मेदवारी दिने मनस्थिति बनाएका छन् । लामो कोसिसबीच पनि उप-चुनावमार्फत प्रतिनिधिसभा सदस्य बन्ने गौतमको चाहना तत्कालीन नेकपाको आन्तरिक विवादका कारण पूरा हुन सकेको थिएन ।
