काठमाडौं । अमेरिकामा एक व्यक्तिले आफ्नी श्रीमती परपुरुषसँग लागेको थाह पाएपछि श्रीमतीका ब्वाइफ्रेन्डको यौनांग काटिदिएका छन् । अमेरिकाको फ्लोरिडाका एलेक्स बोनिलाले आफ्नी श्रीमतीको प्रेमी रहेको थाह पाएपछि दुवैजनालाई अपहरण गरेका थिए ।
सो क्रममा एलेक्सेले दुवैजनालाई कुटपिट मात्र गरेनन्, ती पुरुषको यौनांग पनि काटिदिएको डेलिमेलले जनाएको छ।
घटनामा दोषी प्रमाणित भएपछि अमेरिकाका एक अदालतले ५१ वर्षका एलेक्सलाई २० वर्षको जेल सजाय सुनाएको छ । एलेक्सले ती व्यक्तिलाई सन् २०१९ को जुलाई ४ मा अपहरण गरेका थिए ।
फ्लोरिडाको गिलक्रेस्ट काउन्टीको अदालतले गत महिना मात्र एलेक्सलाई यस मुद्दामा पूर्ण रुपमा दोषी पाएपछि २० वर्षको जेल सजाय साथै २ लाख ५१ हजार अमेरिकी डलर जरिवाना गरेको हो ।
एलेक्सलाई सन् २०१९ को जुलाईमै प्रहरीले पक्राउ गरेर अनुसन्धान थालेको थियो ।
