मनाङ । बाढीपहिरोका कारण ढुवानीमा समस्या आएकाले माथिल्लो मनाङमा खाद्यान्न अभाव भएको छ । गत असार १ गते आएको बाढीपहिराका कारण बेंशीशहर–चामे–मनाङ सडक खण्ड क्षतिक भएपछि यहाँ खाद्यान्न अभाव भएको हो ।
खाद्यान्न आपूर्तिका लागि ढुवानी समस्या भएपछि खच्चडका माध्यमबाट माथिल्लो मनाङमा खाद्यान्न ल्याइएको पर्यटन तथा होटेल व्यवसायी विनोद गुरुङले बताए । स्थानीय बासिन्दालाई खाद्यान्न अभावबाट बचाउने उद्देश्यले सोनाम घिर्मी फ्यामी फाउन्डेशनको सहयोगमा घुमाउरो बाटो सहारामार्फत खाद्यान्न ल्याइएको र यहाँका विपन्न वर्गलाई वितरण गरिएको गुरूङले जानकारी दिए ।
खाद्यान्न पोखराबाट मुक्तिनाथसम्म गाडीबाट ल्याइएको उनले बताए । उनका अनुसार मुक्तिनाथबाट ५ हजार ४१६ मीटर उचाइको थोराङ्ला पास हुँदै खच्चडमार्फत माथिल्लो मनाङसम्म खाद्यान्न ल्याइएको छ ।
अन्यत्र जिल्लाबाट आएर यहाँ काम गर्ने ४० र मनाङ गाउँका विपन्न वर्गका सात घरधुरीसहित कूुल ४७ घरधुरीलाई खाद्यान्न सामग्री वितरण गरिएको छ । सोनाम घिर्मी प्mयामिली फाउन्डेशनको सहयोगमा प्रत्येक परिवारलाई १२.५ किलो चामल, आठ किलो दाल, नुन तीन किलो, १.५ लिटर तेल वितरण गरिएकोे गुरूङले जानकारी दिए । माथिल्लो मनाङमा लामो समयदेखि खाद्यान्न अभाव टार्न थोराङ्ला पास गरी ल्याउने गरिएको छ । रासस
