लुम्बिनी प्रदेश सभाको बैठक पुनः शुरू भएको छ ।
आधा घण्टाका लागि स्थगित गरिएको बैठक भर्खर शुरू भएको छ ।
बैठकमा मुख्यमन्त्री कूलप्रसाद केसीले विश्वासको मत लिने प्रस्तावमाथि छलफल हुनेछ ।
बैठक शुरू भए पनि प्रतिपक्ष दल एमाले बैठकमा सहभागी छैन ।
सूर्य चिह्नबाट निर्वाचित सांसदहरू अजय शाही र विमला वली खत्रीलाई पदमुक्त नगरेका कारण प्रतिपक्ष दल एमालेले बैठक बहिष्कार गरेको छ ।
नेकपा एमालेका सांसद एवं पूर्व भौतिक पूर्वाधार विकास मन्त्री बैजनाथ चौधरीले बैठक बहिष्कार गरिएको जानकारी दिए ।
