गोरखाका–८ वटा स्थानीय तहले आगामी आर्थिक वर्ष २०७७-७८ का लागि नीति तथा कार्यक्रम र बजेट सार्वजनिक गरेका छन् । ११ स्थानीय तह रहेको गोरखामा चुमनुब्री, सिरानचोक र गण्डकी गाउँपालिका बाहेक अन्य पालिकाहरूले आगामी आर्थिक वर्षको नीति, कार्यक्रम र बजेट आ–आफ्ना गाउँ र नगरसभामा पेस गरेका छन् । असार १० भित्र आ–आफ्ना सभामा नीति, कार्यक्रम तथा बजेट पेस गर्नुपर्ने व्यवस्था रहे पनि तीन पालिकाले सार्वजनिक गर्न बाँकी छ ।