काठमाडौँ – चाबहिलको सेन्ट लरेन्स कलेजका एक शिक्षकले विद्यार्थीमाथि दुर्व्यवहार गरेको भन्दै विद्यार्थी आन्दोलित भएका छन्। महानगरीय प्रहरी परिसरका प्रवक्ता तथा एसपी दिनेशराज मैनालीका अनुसार शिक्षकले कलेजमा अध्ययनरत छात्रामाथि दुर्व्यवहार गरेको भन्दै क्याम्पस भरीका विद्यार्थी आन्दोलनमा उत्रिएका हुन्। ‘कलेजमा बिहानैदेखि नाराबाजी भईरहेको छ।’ मैनालीले भने, ‘सुरक्षाको लागि प्रहरी बल खटिएको छ।’
