काठमाडौं। नेकपा एमालेको केन्द्रीय कमिटीको बैठकले सर्वोच्च अदालतको फैसलाले लोकतन्त्रमा पार्ने दीर्घकालीन असर रोक्न संविधान संशोधनको विशेष प्रस्ताव पारित गरेको छ। बैठकले फैसलाका सन्दर्भमा पार्टीको दृष्टिकोण प्रस्ट पार्दै जनतामा छलफल चलाउने र आगामी दिनमा संविधान संशोधनमार्फत गल्ती सच्याउने विशेष प्रस्ताव पारित गरेको प्रवक्ता प्रदीप ज्ञवालीले बताए। ज्ञवालीकाअनुसार फैसलाले पारेका असरलाई भोलिका दिनमा संवैधानिक समाधान गर्ने प्रस्ताव बैठकले पारित गरेको छ।