अर्थ मन्त्रालयलको निर्देशनविपरीत भारत तथा तेस्रो मुलुकबाट आयात गर्ने सामानमा चेकजाँच गर्दा भैरहवा भन्सार कार्यालयमा पछिल्लो समय बेथिती बढ्दै गएको छ । मन्त्रालयले सबै सामान एक–एक गरी चेकजाँच गर्न निर्देशन दिए पनि भन्सार कार्यालयले प्रज्ञापनपत्रका आधारमा केही सामानको नमूना मात्रै हेरेर सामान पास गर्ने गरेको छ । व्यवसायीको विश्वासका आधारमा गरिने चेकजाँचले दैनिक लाखौं रूपैयाँ राजश्व भन्सारबाटै चुहावट हुँदै आएको छ ।