काठमाडौं । युनिलिभरले ‘हिमाल सरसफाइ अभियान २०२३’मा नेपाली सेनासँग सहकार्य गरेको छ । यसलाई कम्पनीले ‘विश्वलाई दिगो साझा वासस्थान बनाउने’ प्रतिबद्धताको एक अंशको रूपमा लिएको छ । सफा हिमाल अभियानमा कम्पनीको अहिलेको सहकार्य तेस्रोपटक हो । हिमालको संरक्षण तथा सरसफाइ गरी जलवायु परिवर्तनको असर न्यूनीकरण गर्ने उद्देश्यले बहुपक्षीय कार्यक्रम सञ्चालन गरिएको कम्पनीले बताएको छ । यस वर्षको अभियानअन्तर्गत सगरमाथा, ल्होत्से, अन्नपूर्ण र वरुणत्से हिमालको सफाइ गर्दैै ३५ टन फोहोर संकलन गर्ने लक्ष्य राखिएको छ । युनिलिभर नेपाल लिमिटेडका प्रबन्ध निर्देशक अम्लान मुखर्जीले भने, ‘निरन्तर सहकार्यमार्फत हामीले यस वर्ष फोहोर संकलन, छुट्ट्याउने, सञ्चित फोहोरको पुन: प्रयोगमा नयाँ कीर्तिमान कायम गर्ने लक्ष्य राखेका छौं ।’