काठमाडौं । माण्डु हाइड्रोपावर लिमिटेडले गत आर्थिक वर्ष (आव) ०७९/८० को मुनाफाबाट कुल १० प्रतिशत नगद लाभांश वितरणको प्रस्ताव गरेको छ । कम्पनीले हाल कायम चुक्ता पूँजी १ अर्ब ३६ करोड ३६ लाख ३७ हजारको आधारमा करसमेत १० प्रतिशत नगद लाभांश वितरण गर्ने प्रस्ताव गरेको हो ।
कात्तिक १६ गते बसेको कम्पनीको सञ्चालक समितिको बैठकले प्रस्तावित लाभांश पारितका लागि मंसिर १५ गते १२औं वार्षिक साधारण सभा गर्ने निर्णय गरेको छ । सभा छाँया सेन्टर, ठमेल, काठमाडौंमा उक्त दिन बिहान १० बजे कम्पनीले सभा बोलाएको हो । सभाले लाभांशसहित गत आर्थिक वर्षको वार्षिक प्रतिवेदन सहितका वित्तीय विवरणलाई समेत स्वीकृति प्रदान गर्नेछ ।
साथै सर्वसाधारण शेयरधनीहरूको तर्फबाट एक जना सञ्चालक निर्वाचन र संस्थापकतर्फको सञ्चालक नियुक्तिको विषयलाई समेत सभाले अनुमोदन गर्नेछ । उक्त साधारण सभा प्रयोजनका लागि कम्पनीले मंसिर ४ गते बुक क्लोज गर्ने भएको छ । बुक क्लोजको आधारमा मंसिर ३ गतेसम्म कायम शेयरधनीहरूले मात्र लाभांश प्राप्त गर्न र सभामा भाग लिन सक्नेछन् ।
