चैत २२, काठमाडौं । साताको तेस्रो कारोबार दिन मंगलवार पनि नेप्से परिसूचक ४६ दशलमव ४६ अंक घटेर २ हजार ४५२ दशलमव शून्य ६ विन्दुमा झरेको छ । यो दिन कारोबारमा आएका २२८ ओटा धितोपत्रमध्ये चार ओटा धितोपत्रका शेयरधनीले सर्वाधिक गुमाएका छन् ।
इमर्जिङ्ग नेपाल लिमिटेड, नारायाणी डेभलपमेन्ट बैंक,युनाइटेड इदी मर्दी आरबि हाइड्रोपावर र जनरल इन्स्योरेन्स कम्पनीका शेयरधनीले धेरै गुमाएका हुन । ती चार ओटा कम्पनीमध्ये पनि सबैभन्दा बढी शेयरमूल्य इमर्जिङ्ग नेपालको शेयरमूल्य १० प्रतिशतले घटेको छ । कम्पनीको शेयरमूल्य प्रतिकित्ता रू. १ हजार ३२३ मा झरेको हो ।
कम्पनीको शेयरमा क्रेताभन्दा विक्रेता धेरै भएकाले शेयरमूल्य घटेको हो । कम्पनीले केही समय अगाडि ममात्र आईपीओ निष्कासन गरेको थियो । दोस्रो बजारमा कारोबारमा आएको दुई दिनदेखि नै सर्किट लेबलमा वृद्धि हुँदै आएको थियो । कम्पनीको शेयरमूल्य प्रतिकित्ता रू. १ हजार ४४० पुगेसँगै विक्रेता हावी भएका छन् ।
त्यसैगरी दोस्रोमा नारायणी डेभलपमेन्ट बैंकको शेयरमूल्य ६ दशलमव ३७ प्रतिशत,युनाइटेड इदी मर्दीको ६ दशमलव शून्य १ प्रतिशत र जनरल इन्स्योरेन्स कम्पनीको ५ दशलमव ६९ प्रतिशतका दरले घटेको छ ।
बजार घटेसँगै ती कम्पनीहरुका शेयरमा खरीदकर्ताभन्दा विक्रेता हावी भएकाले शेयरमूल्य घटेको हो । नारायणी डेभलपमेन्ट बैंकको शेयरमूल्य प्रतिकित्ता रू. ४२५ दशलमव १०,युनाइटेड इदी मर्दीको रू। ९७७ दशलमव ५० र जनरल इन्स्योरेन्स कम्पनीको शेयरमूल्य प्रतिकित्ता रू. ५८० दशलमव २० कायम भएको छ ।
