रक्षामन्त्री हरिप्रसाद उप्रेतीले बाह्य र आन्तरिक सुरक्षा खतराहरुलाई न्यूनीकरण गर्न नेपाली सेना तयार रहनु पर्ने बताएका छन् । सैनिक मुख्यालय जंगी अड्डामा आइतबार सुरु भएको ‘पृतनापति समन्वयात्मक बैठक-२०७९’ मा रक्षामन्त्री उप्रेतीले राष्ट्रिय एकतामा बिग्रह ल्याउन खोज्ने, देशलाई अस्थिरताको भूमरीमा धकेली जनतामा डर र त्रासको वातावरण सिर्जना गर्न क्रियाशील व्यक्ति वा समूहहरु राष्ट्रिय सुरक्षाका प्रमुख चुनौतीको रुपमा रहेको बताए ।