सत्ता गठबन्धन नेकपा(एस) को भ्रातृ संगठन अनेरास्ववियुले मिनभवनस्थित नेपाल कमर्स क्याम्पस (एनसीसी) अगाडि गृहमन्त्री बालकृष्ण खाँणको पुत्ला दहन गर्ने क्रममा आगो लगाइको पुत्ला अचानक एक विद्यार्थीमाथि नै झर्यो । अनेस्वावियु केन्द्रीय सचिवालय सदस्य विराज धमलालाई आगोको लप्काले भेटेपछि उनी अत्तालिँदै दौडिए । पुत्लामा आगो लगाएर कलेज बाहिर निस्कने क्रममा प्रहरीले पुत्ला खोस्न खोजेपछि आगो लागेको पुत्ला उनीमाथि खसेको थियो । धन्न उनलाई गम्भीर घाउ भने लागेन ।