नेपाली कांग्रेसको १४औँ महाधिवेशन अन्तर्गत सोमवार सम्पन्न मतदानको मतपेटिका पार्टी केन्द्रीय कार्यालय सानेपामा राखिने भएको छ ।
सभापतिको मतगणना नहुँदासम्म सो मतपेटिका पार्टी केन्द्रीय कार्यालय सानेपामा राखिने कांग्रेस निर्वाचन समितिले जनाएको छ ।
कुल ८७ वटा मतपेटिकामध्ये ८४ वटा मतपेटिका कांग्रेस पार्टी कार्यालय सानेपा लैजान लागिएको हो।
१५ वटा गाडीमा राखेर सानेपा लगिने उक्त मतपेटिका सुरक्षाकर्मीको कडा सुरक्षामा राखिने बताइएको छ ।
सभापतिको मतगणना आइसकेपछि मात्रै सानेपामा राखिने सो मतपेटिकाको मत गणना गरिनेछ ।