काठमाडौं। निर्वाचन आयोगले जनता समाजवादी पार्टी (जसपा)को आधिकारिकता विवाद आज टुंग्याउने भएको छ। आयोगले आज ११बजे पार्टीको आधिकारिकताबारे निर्णय गर्न केन्द्रीय कार्यकारिणी सदस्यको सनाखत गराउँदैछ। जसपामा अध्यक्षद्वय महन्थ ठाकुर र उपेन्द्र यादव पक्षबीच देखिएको पार्टी आधिकारिकताको विवादलाई ‘हेड काउन्ट’मार्फत टुंग्याउन लागिएको हो। आयोगको निर्णय रोक्न अदालतमा मुद्दा परेपनि अन्तरिम आदेश जारी भएन। आयोगका प्रवक्ता राजकुमार श्रेष्ठकाअनुसार विवादको टुंगो आजै लाग्नेछ।
