आफूलाई महान् ठान्दैनन् जोकोभिच

नोभाक जोकोभिचलाई के लाग्छ भने उनी विश्व टेनिसकै सर्वकालीन महान् खेलाडी हुन् वा होइनन्, त्यसको निर्णय गर्ने उनी आफैं होइनन् । उनले आइतबारमात्रै फ्रेन्च ओपन टेनिस जिते । यससँगै उनले जितेको ग्रान्ड स्लामको संख्या २३ पुगेको छ । यससँगै जोकोभिचले सर्वाधिक ग्रान्ड स्लाम उपाधि जितेको कीर्तिमानमा राफेल नडाललाई उछिनेका छन् । उनले सेरेना विलियम्ससँग बराबरी पनि गरेका छन् ।