तालिबानद्वारा अफगानिस्तानमा कामचलाउ सरकार घोषणा, मोहम्मद हसन अन्तरिम प्रधानमन्त्री

तालिबानले अफगानिस्तानमा कामचलाउ सरकार निर्माण गरेको छ । आफगानिस्तानमाथि नियन्त्रण कायम गरेको तीन सातापछि सरकार घोषणा गरिएको हो । अस्थायी नेतृत्वमा अफगानिस्तानका अन्तरिम प्रधानमन्त्री मोहम्मद हसन अखुन्द र उपप्रधानमन्त्रीमा अब्दुल गनी बरादर रहेका छन् । तालिवानले छिट्टै स्थायी सरकारको घोषणा गर्ने जनाएको छ । बरादर विगतमा अमेरिकासँग दोहामा भएको शान्तिवार्तामा सहभागी हुँदै आएका थिए। मन्त्रिपरिषद्‌ […]

सम्बन्धित सामग्री

पूर्व सरकारी अधिकारीलाई फिर्ता आउन तालिबान सरकारको आग्रह

अफगानिस्तानका नवनियुक्त प्रधानमन्त्री मुल्लाह मोहम्मद हसन अखुन्दले पूर्व सरकारी अधिकारीलाई फिर्ता आउन आग्रह गर्नुभएको छ । तालिबानले काबुल नियन्त्रणमा लिएपछि सरकारी अधिकारी देश छोडेर पलायन भएका थिए । अलजजिरासँगको अन्तवार्तामा प्रधानमन्त्री अखुन्दले तालिबानले सरकारी अधिकारीको सुरक्षाको जिम्मेवारी लिने दाबी गर्नुभएको छ । उहाँले कामचलाउ सरकारले कुटनीतिज्ञ, दूताबास, मानवीय सहायताकत्र्ताको सुरक्षाको पूर्ण सुनिश्चितता गर्ने बताउनुभएको छ । उहाँले कामचलाउ सरकारले छिमेक र अन्य राष्ट्रसँग सशक्त र सकारात्मक सम्बन्ध बनाउन चाहेको प्रष्ट्याउनुभयो ।

अफगानिस्तानमा तालिबानको कामचलाउ सरकारले पाँच पत्रकारलाई गिरफ्तार गर्यो

कामचलाउ सरकार गठन गरेको एक दिन नबित्दै तालिबानले काबुलबाट प्रकाशित हुने एक पत्रिकाका पाँच जना पत्रकारलाई गिरफ्तार गरेको छ । काबुलबाट प्रकाशित हुने एतिलात्रोज पत्रिकाका पाँच जना पत्रकारलाई नियन्त्रणमा लिइएको एएनआईले उल्लेख गरेको छ । पत्रकारलाई नियन्त्रणमा लिइएको सम्बन्धी जानकारी पत्रिकाका प्रधान सम्पादक जाकी डरयाबीले साझा गर्नुभएको छ । टोलो न्यूजले प्रधानमन्त्री सम्पादकको भनाई उद्धृत गर्दै उक्त जानकारी ट्वीटरमा साझा गरेको छ । यसअघि तालिबानले अन्तर्राष्ट्रिय संघ संगठन समक्ष सञ्चारकर्मीको अधिकार र अभिब्यक्ति स्वतन्त्रताको सम्मान गर्ने वाचा गरेको थियो ।