माघ २५, काठमाडौं । साताको तेस्रो कारोबार दिन मंगलवार नेप्से परिसूचक १६ दशमलव ३० अंक घटेको छ । नेप्से परिसूचक २ हजार ८३५ दशमलव ५८ विन्दुमा झरेको हो ।
यस अवधिमा कारोबारमा आएका २३० धितोपत्रमध्ये सबैभन्दा बढी लिवर्टी इनर्जी कम्पनीको शेयरधनीले गुमाएका छन् । कम्पनीको शेयरमूल्य अघिल्लो कारोबार दिनको तुलनामा मंगलवार ६ दशमलव २७ प्रतिशत घटेसँगै सबैभन्दा बढी गुमाएका छन् । कम्पनीको शेयरमूल्य प्रतिकित्ता रू. ३६९ मा झरेको छ । मंगलवार सार्वजनिक गरेको वित्तीय विवरण अनुसार कम्पनी नोक्सानीमा रहेकाले क्रेताभन्दा विक्रेता हावी भएकाले शेयरमूल्य घटेको हो ।
चालू आवको दोस्रो त्रैमासमा रू. १ करोड ३९ लाख नोक्सानीमा रहेको छ । साथै नेपाल हाइड्रो डेभलोपरको शेयरमूल्य अघिल्लो कारोबार दिनको तुलनामा मंगलवार ५ दशमलव १८ प्रतिशत घटेर प्रतिकित्ता रू. ५६८ मा झरेको छ ।