लोकतन्त्र हनन भएको म्यानम्यारमा सेनाको दमन सहन नसकेर र ज्यान सुरक्षार्थ दशौँ हजार नागरिकले छिमकी देशमा शरण लिईरहेको बखत संचारमाध्यमहरूमा देखिएका फोटोहरूले फेरी एकफेर विश्वलाई स्तब्ध बनाएको छ ।। सुरक्षित रहन भिक्षुहरू पहाड फोडेर बंकर बनाइरहेका छन् ।
गत साता नै भारत बोर्डरनजिक बसोवास गर्ने जनता जंगलको बाटो हुँदै शरणार्थी बनेका थिए ।
अहिले प्रदर्शनकारी, निर्दोष जनता मात्र होइन, भिक्षुहरूले समेत आफ्नो ज्यान सुरक्षित नभएको आभास गर्न थालेका छन् । सुरक्षित रहन नै उनीहरू थाइल्यान्ड बोर्डरनजिक पहाडमा लुक्न थालेका छन् ।
गत साता सेनाले हवाई आक्रमण नीति अपनाएको थियो । सेनाले प्रदर्शनकारी मात्र नभएर आन्दोलनमा सहभागी नभएका जनताको घरमा समेत हवाई आक्रमण गरिरहेको छ । एक सातादेखि चलिरहेको हवाई आक्रमणमा वृद्ध, बालबालिका, नवजात शिशु तथा महिलाहरूले ज्यान गुमाएका छन् ।
