भारतको स्वास्थ्य तथा परिवार कल्याणका मन्त्रालयका अनुसार पछिल्लो २४ घण्टामा १ लाख २६ हजार ७ सय ८९ जनामा संक्रमण पुष्टि भएको छ । जुन कोरोना महामारी सुरु भएयताकै सबैभन्दा बढी हो ।त्यस्तै पछिल्लो २४ घण्टामा भारतमा थप ६सय ८५ जनाको कोरोनाले मृत्यु भएको छ ।
संक्रमण बढ्न थालेपछि बंगलादेशमा पनि सोमबारदेखि लकडाउन गरिएको छ । दक्षिण एसियाली देशमध्ये श्रीलंकामा भने संक्रमण घटिरहेको छ ।माल्दिभ्समा दुई महिनायता संक्रमणदर उस्तै छ ।
प्रधानमन्त्री केपी शर्मा ओली सावधानी नअपनाए पुनः लकडाउन गर्नुपर्ने हुनसक्ने बताएका छन्। संक्रमणदर बढ्दै गए फेरि पनि मुलुक ठप्प पार्नुपर्ने अवस्था आउन सक्ने उनले बताएका हुन्। त्यस्तै उनले कोरोनाको मुख्यस्थान घाँटी भएकाले अम्बाको पातले ‘गार्गल’ गरे कोरोना सकिने बताए। खोपले मात्रै कोरोनाबाट नबचाउने भन्दै उनले सावधानी अपनाउन आग्रह गरे।