कलाकार दीपाश्री निरौला र सरोज खनालको फेसबुक अकाउन्ट ह्याक गरेर पैसा मागेको अभियोगमा १४ वर्षीय बालक समातिएका छन्।
नेपाल प्रहरीको साइवर ब्युरोको टोलीले पर्सा बहुदरमाई नगरपालिका वडा नम्बर ५ बस्ने १४ वर्षीय बालकलाई नियन्त्रणमा लिएको हो। कलाकार दिपाश्री निरौला र सरोज खनालले आफ्नो फेसबुक ह्याक भएको भन्दै केही समयअघि ब्युरोमा निवेदन दिएका थिए।
"गत हप्ताको बिहीबार March 25 मा मेरो Facebook Account Hack गरेर Hackerले मेरो Messengerबाट घेरै जना संग Chat गर्दै पैसा मागेको रहेछ। Cyber Bureau को मद्दतले आज १२ दिन पछि यो Facebook Account फेरी Retrieve हुन सफल भएको छ। Hacker द्वारा पठाईएका गलत Messageहरूले यदि कसैलाई केहि अफ्ठ्यारो पर्न गएको भएमा म यहि post मार्फ़त माफ़ी माग्न चाहन्छु।"| - दीपाश्री निरौलाले आफ्नो फेसबुक प्रोफाइलमा लेखेकी छन्।
