नेपाल वायुसेवा निगमको ७५ प्रतिशत अन्तर्राष्ट्रिय उडान भोलि शुक्रबारदेखि रद्द हुने अवस्थामा पुगेको छ । यसबाट निगमलाई करोडौं रुपैयाँ घाटा पर्ने भएको छ ।
बुधबार दुबईबाट आएको एउटा न्यारोबडी (अल्फा किलो व्हिस्की-एकेडब्लू) जहाजको त्रिभुवन अन्तर्राष्ट्रिय विमानस्थलमा आइसकेपछि चेक जाँच गर्दा नोज व्हिलमा हाइड्रोलिक लिकेज (टेक्निकल) देखियो । निगम स्रोतका अनुसार यसको मर्मत गर्न यहाँ पार्टपूर्जा नभएकाले बाहिरबाट ल्याउनुपर्छ । इन्जिनियरिङ विभागले अप्रिल ६ तारिख (आगामी मंगलबार) सम्म उक्त एकेडब्लू ग्राउन्डेड हुने जानकारी दिइसकेको छ ।
